香港新浪網 MySinaBlog
« 上一篇 | 下一篇 »
太政高僧 | 21st Sep 2011, 14:58 | 雜談 | (59 Reads)
對上一次畀錢買港漫睇,係約11年前的《神兵玄奇》,完左第一部之後,我已經無追落去。自此之後,我再無畀過錢買港漫睇,連上網睇都無,因為已經唔吸引。

到今日,自己竟然再次俾錢買港漫睇,講緊的係《封神紀》(包括第一部及連載緊的第二部)。好耐未睇過咁有迫力的港漫,每到出版日自己都心思思去報攤買嚟睇。原因好簡單,因為故事的情節吸引。

...原來紂王係「平等主義者」,要解放奴隸;原來在「神」眼中,人類只不過係「猴子」;姬發原來向神域「投誠」,先可以打贏;「神」看人類,只不過是當人類是低等生物...

每一段情節,都顛覆我地知道的「歷史」,無錯,歷史係贏家寫,武王贏、紂王敗,敗者被描寫成十惡不赦,在中國歷史上已經司空見慣。但,「正義」的為什麼不可能是紂王?武王一定是代表「正義」?

夠膽顛覆傳統,破而後立,才可以成大事。《封神紀》話俾我知「另一個版本」的武王伐紂...原來所謂的「神」都是殘酷、無情、自私、縱慾...

夠震撼,令自己心甘情願每星期都畀錢,要支持香港原創。