香港新浪網 MySinaBlog
« 上一篇 | 下一篇 »
太政高僧 | 25th Aug 2011, 15:01 | 月旦 | (45 Reads)
一年前,舊曆七月十四日,晚上7點,落樓燒街衣。返到家中七點半,開電視睇NOW的直播,見到菲律賓「特警」開始進攻。八點,仍然未救到人。最終......一年後......

死者家屬及生還團友,在一週年之際赴菲律賓「追討公道」,用大陸的語言,就是要「討個說法」。但,有必要嗎?

成日講「公道自在人心」,要菲律賓政府道歉,只不過是「形式上」的公道。道歉又如何?陰謀論講就係要求賠償(家母正持這種想法)。

「求公道」這行為,有一道鴻溝,在今日是不可能過:香港與菲律賓的差異。有朋友同我講,香港的SDU已經是世界上排名前列的「特種部隊」,用我地睇SDU的標準去衡量菲律賓,好多人都可能講:「有無搞錯呀...」。

但在我地眼中的天方夜談,在菲律賓人眼中卻是「理所當然」--香港人覺得菲警無能,佢地會話:「我地係咁咖喇...」。想到此等差異,我地仲去求咩公道?「公道」是在人心,如果連菲律賓人,都認為「係咁咖喇...」,就算總統道歉又有咩用?

公道,在香港已經討回。在菲律賓,人心如此,何年何月才可討回?