香港新浪網 MySinaBlog
« 上一篇 | 下一篇 »
太政高僧 | 25th Jul 2011, 15:21 | 玄學館 | (242 Reads)
想講下今日香港比較出名的命理業者,純粹係雜談,不涉及評論。打頭陣第一人,我想講下李丞責。

中國人有個特別,就係喜歡「拉關係」,就算大家三唔識七,都可以天南地北,夾硬認親認戚。如果要拉關係,我同李師父都有關係可拉,就係「校友」。

讀中學時,班主任有日講起李師父,佢同李師父係同學,有次在舊同學婚宴上見到,李師父仲派卡片。因為當時班主任是在畢業後,回母校教書,所以除左係我當時的班主任外,更是我「師姐」,高我大約10屆左右。

所以計起上黎,李師父都係我「師兄」--大家同一間中學出黎。不過有D奇怪,我讀的是基督教學校,點解李師父卻成為一個命理業者?不過世事就係咁奇妙,自己夠讀左7年,一樣無入教做基督徒,一樣好似李師父咁研究命理,所差的只不過自己不以命理為業而已。

如果唔係當日班主任講,自己真係唔知可以同李師父,拉上一點點「關係」。 


[1]

吓,net人話佢 cheat 學歷啵!


[引用] | 作者 op | 10th Sep 2011 00:49 | [舉報垃圾留言]