香港新浪網 MySinaBlog
« 上一篇 | 下一篇 »
太政高僧 | 8th May 2011, 15:28 | 雜談 | (55 Reads)
家母有一位在大陸生活的舊同學,在大陸經營一間規模好細的工廠,有一子一女。廠長太太的工作,是「居委主任」,俗稱「街八」。在大陸生活過的人一定知道工作性質是什麼,今次講「報應」,就是應在廠長之子身上。廠長太太既然是居委主任,「計劃生育」自然是工作之一。但可惜,在於大陸有錢就係大晒,如果有錢,交得出罰款,就算生3個都無事。如果交唔出罰款,懷孕七到八個月的婦女一樣畀人捉去落仔。

廠長太太就發生過類似的事,有次飲茶,見到一位女士,指住廠長太太鬧,大意是:無陰公,八個月都捉去落仔,原因只不過無錢畀,小心報應...。由那一刻開始,我先知道在大陸負責「計劃生育」的人,是十分好油水,但,亦十分不人道,因為要捉人落仔。

廠長之子好耐之前受過「情傷」,要依賴受管制藥物,我第一次見佢時已經是一個正牌的二世祖,後來仲學人賭錢。早兩年已經欠人60多萬RMB,要廠長賣樓幫佢還債。之後曾經修心養性左一輪,但如今又學人賭錢,剛收到消息,債主淋紅油追數,大約是28萬RMB,而且廠長之子之後仲講唔出仲有無其他街數未見光,分分鐘要過百萬埋單。依家全家著草。

家母知道之後,只講左一句:「個天好公平的」。

[1]

陀咗七/八個月嘅身孕,根本已經可以開刀生喇!不如生咗出嚟,放入「國際孤兒組識」,等外國學歷高,收入高,心地又好嘅中產夫婦收養仲好啦!聽講美加澳紐,等候收養孤兒嘅隊伍不知幾長!


[引用] | 作者 讀姐 | 14th May 2011 16:37 | [舉報垃圾留言]


不過,佢身處的地方叫「中國」

[引用版主回覆] | 作者 太政高僧 | 16th May 2011 15:28