香港新浪網 MySinaBlog
« 上一篇 | 下一篇 »
太政高僧 | 28th Apr 2011, 15:11 | 雜談 | (74 Reads)
去完台灣,寫少少野畀大家睇,介紹一D非主流的旅遊地方。無論是第一次、或第N次去台灣,都可以睇下,大把正野。

首先講下簽證,依家網上申請入台證好簡單,我今次都係用網上簽。凡在香港or澳門出世、或在其他地方出生,但曾經到台灣的都可以申請。但留意,在入境時必須出示回程機票,否則不能入境。此網上簽證可在台灣停留一個月。

首先介紹係桃園大溪。呢個名可能唔係太多人聽過,但大溪的豆乾卻是台灣知名。有家叫「老阿伯」的滷水豆乾店,好出名,好多人去食,如果去大溪一定要試下,好多電視台都曾經報導。另外,大溪既以「豆」出名,所以豆漿都好正,有興趣可以去「萬里香」買。如果有時間,可以入街市睇,話唔定可以買到平野。

大家亦可以去慈湖,睇下蔣介石的靈寢。不過好多大陸團都有呢個行程,要同人迫。逄正點有衛兵換崗的步操。不過個人覺得太花巧,已經不是「步操」而是「表演」。慈湖風景一流,大家帶定相機。

今次自己亦有去苗栗南庄。南庄老街有好多好食的東西賣,建議大家食完中午飯去,食飽之後可以唔需要食晚餐。不過都係一句,平日唔旺,但一到假日,又係人迫人,行都行唔到。順帶一提,當日去南庄是自己包車去,在角坂山食中餐,當地的「山豬肉」不錯,如果夠膽,可以食埋山豬血。

不建議去石門水庫食「活魚三吃」,當地傳媒曾經報導水庫由於污染嚴重,庫中的魚大多感染寄生蟲令身體變形,我睇到之後自己都唔敢食。