香港新浪網 MySinaBlog
« 上一篇 | 下一篇 »
太政高僧 | 14th Apr 2011, 14:35 | 雜談 | (32 Reads)
唉...離開香港都好耐下,返到HK,睇返在論壇的留言,先知道杰兄搞網聚。好多人一定以為我失蹤,唔知去左邊,事實上,小弟係去左避難呀......

唔係避大耳窿,係避樓上裝修。上手業主可能住到間屋好殘,加上新業主又想整靚D,所以搞左好耐,到依家都未做好。

日日鑽、日日拆牆,真係人都顛。小弟唯有同家母回廣州避。人算不如天算,返到HK,仲未搞掂。反正財爺派$6000,於是小弟同家母決定再去台灣玩,明天機去,27日返。希望到時樓上已經裝修完畢。

在廣州一段日子,小弟無事可做,於是日日睇書。自己開始慢慢睇紫微斗數的書籍,「又學斗數?」有人咁問我,我只好講,七政四餘太過宏觀,不夠仔細,唯有多學一門做參考。更重要的原因,係自己雖有《清史稿》在手,亦有《推步法解》一書,但始終不明日月五星及四餘的推步,可能自己中文差,又或是不是讀理科出身。

而斗數呢?記熟起星盤法,就可以隨時隨地起盤,比政餘方便。而且紫微斗數有更多的參考資料,不似政餘,來來去去都是吳師青《中國七政四餘星圖析義》。

希望回香港後,可以有多點體會發表。