香港新浪網 MySinaBlog
« 上一篇 | 下一篇 »
太政高僧 | 2nd Nov 2010, 16:53 | 玄學館 | (526 Reads)
行書店時,經常見到有「學會占星第一本書」的宣傳海報。當然我一定會行埋去望兩眼,到底本書係講咩。中國的七政四餘同屬占星學,但事面上就極少有書教政餘,唔似西占入門書咁成行成市。原因可能係因為政餘太複雜,除左星的相位之外,仲有神煞、十干化曜、五行生尅、廿八宿等......我第一次知道有「七政四餘」這門術數存在,是在紫微楊的專欄中。裡面介紹了《天運占星學》及《中國七政四餘星圖析義》兩書。去圖書館搵,只找到《天運占星學》,都好,可以學下用黎炒股,而且入面內容係宏觀地講經濟週期,比較易明白。但《中國七政四餘星圖析義》就唔同,真係睇到想死。

附帶一提,原因所謂的「七政四餘真躔位置圖」,係叫讀者將自己出生時間地點交俾出版社,由出版社轉交吳氏推定出生星圖,有D似用Moira咁樣,唔怪之得「買唔到」。講返正題,學杰赫兄話,吳氏的書已經唔係入門者岩睇,而係本身已經對命理術數有一定根基,先會易明D。

咁學七政有無入門書?答案係有的,就係我題目講的《星度指南》,作者曹仁麟。我研究政餘星學已有數年時間,我自己的經驗就係「政餘話難亦得,話易亦得」。易的地方係在於只要明白五行生尅變化,結合相位、落宮,就可以做簡單的判斷。

而難的地方就係慢慢研究邊一D神煞準、邊D唔準;十干化曜;以及點樣睇行限及流年。在政餘中,行限都有兩種計法(另一種即竹羅三限),而吳氏的書,有太多野係無講,最大的缺點,就係書中無附有一D「真實」的命例,是否真實唔緊要,但起碼都要教人點樣睇盤、點計行限、流年點睇。

《星度指南》就彌補左吳氏書的缺點,珍貴的地方就係在於佢在書末,附有一個命例,教人排盤、起神煞、點樣睇、計流年...頗為詳盡。如果大家真係有心去研究政餘的話,最好先學八字,對於「十神」有一定根基先好學政餘。依家起盤可以用Moira,再加埋本《星度指南》,就可以入門,吳氏的書...留返進階睇喇。