香港新浪網 MySinaBlog
« 上一篇 | 下一篇 »
太政高僧 | 20th Jul 2010, 15:15 | 月旦 | (36 Reads)
導遊「阿珍」熱爆香港、大陸,但導遊強迫旅客購物已非什麼新鮮事物。今次回嚮咁大,只不過有旅客上載影片,在互聯網中廣範傳播,情況一如當年「巴士阿叔」。今次寫此文,唔係要幫「阿珍」出聲,只係話俾大家知,北京一樣有惡導遊。

早幾年,家母去北京旅行,同行的有阿姨及姨媽(實際上就係佢地姐妹聯誼活動),我沒有參加。家母回家後,就向我講被人強迫購物的經歷。

話說當日,行程安排佢地去中醫保健中心(總之就係相似的地方),裡面有十來位穿白袍的「中醫師」,話幫團友把脈、看病,但沒有團友上前,由於導遊無講不準離開,於是團友全部都到店外休息。

時間夠,上車離開到下個景點。此時導遊在旅行車上發爛,大叫一聲「靠!」(等於廣州話的粗口,問候人老母之意)。導遊自己講,原來佢帶團到商店,而團友又肯俾「中醫師」把脈、購物,佢有400元人民幣「獎金」。又話家母參加一D平價團(原文是「價錢最平」),就當然去購物,不然為什麼會有這樣平的價錢。之後繼續講,依家會車團友去另一間「中醫保健中心」,總之一句,團友可以唔需要購物,但一定要有人上前俾「中醫師」把脈。

結果,最後有五、六位上了年紀的團友「自告奮勇」地上前俾人把脈,此事方算了結。家母去北京玩,可能係2003或2004年的事,事隔太久,好多細已經唔記得。反觀在旅遊車上的表現,家母遇到的導遊與「阿珍」其實沒有分別,只是話氣上、用字上的不同。

如果「阿珍」要被「全城圍插」,咁當年北京城的導遊先生又應該如何?導遊先生已經講出問題所在,就係一D平價團,如果唔係迫旅客購物,旅行社又如何賺錢?導遊先生說400元人民幣獎金(當年價錢),平心而論導遊本身唔算賺得多,最賺的應該是旅行社。好好地監察團費,先係解決問題的方法呀 。


[1]

這些情況,全世界也有,不只是亞洲。要盜絕,不可能,因爲如果真的消失了,很多人就再不能旅行了。其實,這些都只是個別事件,有些導遊,可能就是等錢開飯,不得不勞氣:P


[引用] | 作者 嚴明 | 21st Jul 2010 09:20 | [舉報垃圾留言]