香港新浪網 MySinaBlog
« 上一篇 | 下一篇 »
太政高僧 | 16th Jul 2010, 15:03 | 玄學館 | (120 Reads)
唔知大家有無去過U記(Uwants),早排U記有位女士出帖問命,在帖中,該女士話自己命好苦,但自己唔知時辰,想搵人幫佢推敲出黎,該女士係1985年3月5日(新曆)生人,香港出世。

該女士講,佢過去經歷如下:
1.自幼父母相亡,母先病死,父後來意外死
2.未結婚前,桃花一直好旺
3.05~06年間曾經墮胎
4.09年奉子成婚
5.2010年,夫妻之間有爭執,搞緊離婚

U記好多人都話應該係「辰時」出世。但我就話應該係「申時」出世。
之後該女士用「辰時」,出去俾錢人算紫微斗數,師父排好盤之後就話該女士「天生娼妓命」(大意如此),於是佢再上U記發帖,問到底是否「娼妓之命」。

故事講完,到此刻,我仍然覺得該女士應是「申時」生人。因為如果真係「辰時」生,以七政四餘論,午宮為子女宮,政餘星盤中太陰獨守。按訣為絕嗣之命,同治皇帝的星盤就是如此,與該位該女士的子女宮相似(辰時計),應該是無子之命。

但如
果以申時起政餘星盤,就變成立命午宮,子宮為夫妻宮與命宮相對。太陰照夫妻宮,就係指夫妻二人奉子成婚的格局。

姑勿論真正時間為何,但作為命理業者,豈可將「天生娼妓命」之類的說話同人講?目前U記亦有朋友出帖,指一位「柏」姓命理師,收錢幫人推敲時辰,結果出錯,但又唔認,反而叫人買呢樣避邪、那樣可擋煞,真係業界之悲傷。