香港新浪網 MySinaBlog
« 上一篇 | 下一篇 »
太政高僧 | 6th Jun 2010, 15:40 | 雜談 | (42 Reads)
早兩日睇報紙,打開馬經版,話華籍練馬師梁定華因為講大話,俾馬會罰$75000。錯就認,認就要被罰,自古皆然,但香港賽馬會的不公平已經令我我心寒。作為一個馬迷,我已經超過一季無落注,唔係話要「戒賭」,而係對馬會心淡。

就事論事,梁定華講大話被罰(罰得輕或重係另一回事),天經地義,因為佢錯。但大摩呢?馬會話在他廐中馬匹體內驗到有毒品,記得係白粉。但在公告中又「此地無銀」地話「只係好輕微的含量」。大佬,依家講緊的係毒品,比馬匹食禁藥更加嚴重,但馬會連警都無報,點令人服。

記得當年賓康因為馬匹含有禁藥,所以俾馬會釘牌。依家大摩D馬體內有毒品,馬會又唔報警又唔研詢(可能有誤,因為無睇馬經好耐)。有馬迷睇唔過眼,要自己去信保安局要求跟進。政府成日話香港毒禍嚴重,要打擊毒品,依家馬匹體內有毒品,你政府有關部門又唔主動去查,是否在自打咀巴?

我唔係幫梁定華,只係講事實,佢俾人罰$75000係因為講大話,咁大摩D馬體內有毒品,又應該罰幾多?政府又做咩唔介入查?唔係話要打擊毒品咩?做咩又雙重標準?

馬會做事咁唔公道,如何服人。如何服馬迷。 


[1]

就這樣看, 馬被騐出含毒, 是馬兒的事哦, 不一定跟練馬師有關, 可能有人把毒品隨處棄置哩:)


[引用] | 作者 嚴明 | 6th Jun 2010 19:35 | [舉報垃圾留言]