香港新浪網 MySinaBlog
« 上一篇 | 下一篇 »
太政高僧 | 9th Dec 2009, 14:19 | 雜談 | (35 Reads)
亞視的《亞洲星光大道》曲終人散,「冠軍王」有驚無險做左名乎其實的冠軍,但好多人在網上卻批評亞視造馬...話羅力威走音,又話亢帥克先係當晚王者......

以個人喜好來說,我心目中的冠軍係「豹哥」陳蕾。佢樣貌唔係最出眾、聲音唔係最好聽、唱功唔係最出色。但正如Walter Ma 當晚所講,豹哥有獨得的個性,比時下一D「面目模糊」的女歌手強得多,對此我深比同感。主觀上,豹哥已經是冠軍了。

客觀上講,無講亢帥克表現有幾好,佢都難逃一敗。因為決賽的計分方式,有5%係觀眾投票。就當晚所見,羅力威得50000票以上,無記錯的話,亢帥克得10000票強。即是話,除非亢帥克之前得分大幅拋離羅力威,否則難逃一敗。

以最後羅力威勝0.1分計(是否真確不得而知,可能亞視刻意公佈這個分數制造緊張),實際上只算在坐10位評判的評分,亢帥克應該係勝利者。如果亞視無造馬的話,羅力威的「贏」,係贏在佢一班忠實的支持者而非評判。

始終,我個人喜歡亢帥克多於羅力威。可能羅力威的唱腔太似周杰倫,而我又不喜歡周董的關係。而當晚的表現,亢帥克亦的而且確優於羅力威,不過賽制如此我們只有接受。

但,對於一班支持自己「偶像」的人來說,走到最後,其實已經是冠軍了......