香港新浪網 MySinaBlog
« 上一篇 | 下一篇 »
太政高僧 | 5th Oct 2009, 15:42 | 月旦 | (38 Reads)

相信好多人都唔知我今日寫嘅題目講緊咩?大家一定好出奇,到底邊一位仁兄死左30年,仲俾人拎返出黎呢?答案就係「偉大領袖」毛澤東lor。君不見「十.一」的耀武揚威大會上,同胞們抬住毛sir張相,播住佢在60年前在天安門城樓講的湖南鄉音咩?

真係唔知講咩好,毛sir歸天都30年開外,估唔到佢的「毛澤東思想」仲俾人拎返出黎講。相信最開心的應該唔係毛sir自己,而且佢個孫仔毛新宇是也。聽毛孫講野有時好煩,成日話「我爺爺打日本時如何如何」、「我爺爺革命時如何如何」...大佬,依家得你阿爺一個打日本,得你阿爺一個革命咩?

不過重點係,「毛澤東思想」到底係咩?4個字講晒--「階級鬥爭」,君不見文革時要「年年講、月月講、天天講」咩,文革完左30年,估唔到改革開放之後,我地呢一班蟻民仲要講「階級鬥爭」,不亦悲乎?

真係唔知領導人諗咩(當然,如果我諗到,我就係領導人喇),唔通中國依家亂到要靠老毛的聲威先可以鎮壓一切「牛鬼蛇神」咩?如果唔係,又做咩拎返「階級鬥爭」出黎講?

唯一的解釋,可能胡總想用返老毛呢招,「鬥垮鬥臭」「睡在自己身邊的赫魯曉夫」(「站在自己身邊的男人」)。真是如此的話,天下又將大亂矣...... 


[1]

其實呢,毛澤東係我姨長嘅偶像,姨長個書房收藏咗最少HK$百幾萬關於毛澤東嘅珍藏,表姐(姨長個女)直呈叫毛澤東做呀爺,但我舅父又好憎毛澤東,佢地一見面就水溝油,講到政治,試過好多次食食吓飯都會拔腿開車走人!舅父識啲啲命理,佢成日都話毛澤東同蔣介石兩個都係賤人,兩個都係一啲愛心都無,淨係戀箋權力自私陰險嘅小人,激爆姨長...


[引用] | 作者 讀姐 | 23rd May 2011 04:21 | [舉報垃圾留言]