香港新浪網 MySinaBlog
« 上一篇 | 下一篇 »
太政高僧 | 10th Aug 2009, 14:34 | 月旦 | (21 Reads)
依家講校園驗毒,政府講到事在必行,但問題就係,政府有無尊重過學生的意見。政府成日話驗毒係為學生好,問題的重心在於,此為政府一廂情願的想法,有無考慮過學生的想法如何?

今日報紙話,天主教香港教區的人在《公教報》撰文,要求不單是學生驗毒,更要求校長、老師、家長一齊驗。這不失為一個好方法,只有切身處地體驗一下,先可以知道學生對此計劃的實實反應。

香港政府的高官有一個通病,就係將手下交上黎的「報告」當天書咁睇。D「報告」話乜好,高官就話乜好。但佢地完全無切身的體會,陳維安上電台節目時,公開承諾佢會自願驗毒,雖然我對佢無咩好感,但佢呢個承諾總算幫佢加返少少分--起碼嘗試一下,體會學生嘅諗法。

驗毒唔係唔好,問題的重心亦不在驗毒,而在配套。驗到學生吸毒,如何處理?到今時今日我命未聽到政府有一個具體的安排。

亦難怪,正生書院咁少問題都搞出個大頭佛,我地呢個政府做野係咁上下了。