香港新浪網 MySinaBlog
« 上一篇 | 下一篇 »
太政高僧 | 8th Jul 2009, 15:51 | 月旦 | (47 Reads)
我地呢一個TMD政府,高官收幾十萬人工,但個腦就生滿晒草,呢$0.5膠袋稅,根本就係呢一班「狗官」的「豬腦」的產物。每個膠袋收$0.5就叫環保?收皮喇,唔好當我地香港市民傻先得咖(應該話唔好當我傻先得,因為我只代表自己,唔能夠代表香港市民)。

用少D膠袋呢個世界就會美好D?呢一D係咩邏輯呀?我根本唔認為減少用膠袋就可以改善氣候暖化的問題。

我建議香港的「高官」們去睇一下竺可楨先生《中國近五千年來氣候變遷的初步研究》,文中清楚指出中國在歷史時期,氣候的變化是冷暖交替,從考古學得到的資料顯示,大約2000年前中國的年平均氣溫比現在仲要高2攝氏度。咁唔通又話古代的中國人又因為用膠袋、浪費電力、大量消耗化石燃料令到氣候暖化咩?

我地太過高估自己的能力,以為用幾個膠袋真係令到氣候出現咁大變化,持此論調的人未免過份自大。人類根本無能力、亦無可能去改變地球的現狀,有能力的只有地球自己本身。

而且膠袋稅的實施,並未有考慮到執行上的困難以及混亂局面,以及對市民日常生活的影響。我今日去美心西餅買早餐,政府話賣食物的、有5間分店以上的就要收$0.5,俾錢時收銀員問要唔要膠袋,我就問「要唔要俾$0.5?」佢答「唔洗」,我就馬上話「要」。

咁到底去美心西餅買野要唔要俾$0.5呢?佢符合政府收錢嘅條件,點解又唔收?呢一D就係政府一手制做出黎嘅混亂。

最後,要讚一下裕記,派無手挽膠袋(http://news.sina.com.hk/cgi-bin/nw/show.cgi/764/3/1/1192366/1.html),如果我做老板,我一樣會咁做。


[1]

有一些天文科學既資料可以提出, 木星本身因質量和自身高速轉動而發出能量, 近些年來地球與木星軌道亦相對接近, 所以接受能量亦相對多左, 由此與地球暖化亦有因由.


[引用] | 作者 杰赫 | 22nd Mar 2010 17:01 | [舉報垃圾留言]