香港新浪網 MySinaBlog
« 上一篇 | 下一篇 »
太政高僧 | 18th Jun 2009, 15:00 | 月旦 | (31 Reads)
正生書院打算搬到梅窩,引起掀然大波,左一聲「吸毒」,右一聲「吸毒妹」,就好似在人地的傷口上灑鹽一樣。不過,行錯歪路之後想行返正途,受人白眼亦是常事,如果連呢關都唔可以克服的話,條路只會越來越難行。就把這些聲音當作磨練吧,要証明俾梅窩班人睇佢地係錯嘅!

入返正題,點解我今日將正生搬校同埋國民教育拉埋一齊講呢?原因就係因為香港政府的「國民教育」根本就係廢話一堆,稱之為「愛黨教育」更為貼切。好多香港市民,甚至乎現今特區政府的「高官」,都唔明白大陸口中的「愛國」實際上就係「愛黨」。曾憲梓都話「沒有共產黨就沒有新中國」,所以根據大陸的邏輯,「有黨先有國」、「黨大於國」、「愛國先愛黨」、「愛國等如愛黨」等狗屁邏輯。

回歸之後,香港高官惡補大陸官場邏輯學,終於明白「愛國等如愛黨」的真理,於是大搞特搞所謂的國民教育,要市民(特別係學生)「愛國」(個人認為係洗腦)。最明顯例子就係晚間新聞前播國歌,唔通日日聽國歌,日日唱國歌就叫愛國?唔通入去解放軍營參觀就叫愛國?唔通拎係支國旗仔去歡迎金牌運動員就叫愛國?

Come on,愛國唔係咁簡單咖,「國家」呢一個詞語包含嘅野大多喇,歷史、文化、文學、哲學、宗教、倫理學、古代科學、占卜學......呢D全部都係「國家」嘅一部份,用中共的話係「不可分割」的。如果我地的國民教育,係向社會大眾,講解中國傳統的忠恕之道,講有容乃大,講容人之量,講中庸之道,試問仲會發生梅窩的人「吸毒仔」、「吸毒妹」咁鬧嗎?

依家成日講和諧,但政府就搞到社會越來越唔和諧。國民教育拎左咁多money出黎,教出一班只識唱國歌,但對於中國傳統倫理智慧一無所知的人出黎,都可以話係香港國民教育的失敗。

多D睇下「四書」,多D學習一下忠恕之道,多D包容其他人,好過只識唱國歌呀。

最後,謹對正生書院學生,獻出無比的支持,希望你地可以証明梅窩班人係錯的。願上天保祐。