香港新浪網 MySinaBlog
« 上一篇 | 下一篇 »
太政高僧 | 16th Jun 2009, 15:10 | 月旦 | (20 Reads)
我們的曾特首蔭權先生終於決定減薪了,不過只有5.38%。想當年董建華都減10%喇,可見今次佢呢一個決定係毫無誠意。記得葉劉淑儀接受傳媒訪問時,都話當年減一成人工,言下之意好明顯就係話俾特首知,減一成係「最低消費」喇,依家得5.38%,好失望。

我成日都講,高官減薪,象徵意義高於一切,唔通依家真係等D錢救命咩?既然2003年已經有減一成的先例,點解今次又唔跟呢?

政府最叻就係話,「我地做呢樣野,外國已經有先例」,OK,外國先叫先例,2003年減一成人工就唔係先例?呢D係咩邏輯?可能只有我地香港的曾團隊先識咁諗。唔怪得政府委任官員一定無我地份喇,原因就係我地唔明政府高官諗野嘅邏輯。

高官減薪一成,已經可以話係社會的共識。但依家佢地決定減5.38%,明顯係不合乎市民對於政府的期望,情況就好似生果金加到1000蚊事件一樣。曾特首,小心民望又插水呀。

佢地D高官,一個月37萬人工(特首人工),減一成,一個月都係少收37000。特首當日退休時拎的長糧都夠佢慢慢用喇,又何必咁計較一成人工?D高官又唔洗養仔養女,拎份糧都係自己用,但用得幾多呀??好多人連食都無得食呀,又唔見佢地捐D出黎?

曾特首,我對你已經唔係失望,而係絕望......


[1]

我都費事問應該減幾多﹐我最想問ge係點解要有呢班副局長同局長助理﹐不如取消晒啦。

grumpy
[引用] | 作者 grumpy | 16th Jun 2009 15:40 | [舉報垃圾留言]