香港新浪網 MySinaBlog
« 上一篇 | 下一篇 »
太政高僧 | 24th Apr 2009, 14:41 | 雜談 | (1812 Reads)
古人伯樂有書名《相馬經》傳世,書中所記者,實為古人選馬之法則。「世有伯樂而後有千里馬」,可以伯樂選馬確有一套獨特的標準,世人認為是劣馬,他卻認為是日行千里的良駒,如果如今伯樂在生,肯定是世界首屈一指的馬販。

教人如何選馬的書叫《相馬經》;教人如何選牛的書叫《相牛經》,如今我都有一「經」要公諸同好,就是《相貓經》是也,此經實為教人如何選寵物貓的必讀之書。

著此書之人,實為小弟母親。佢老人家自小愛貓養貓,至今已數十年,愛貓勝於自己仔(即係我),我曾經問佢如何揀一隻可愛的貓來養,佢就「積40年之經驗」,將自己一生心得歸納為兩大標準,只要遵此二標準,咁各位家中,就會增加一位可愛的成員。

標準一:頭一定要大要圓,不能尖嘴。阿媽教落,揀貓一定要頭大、夠圓才可愛,因為個頭又大又圓的貓多數係「肥貓」,望落去圓碌碌才可愛。我曾問佢如何才叫頭大?佢話最小都要好似一隻食飯碗,呢個係最少標準。我就話如果係咁隻貓咪好肥,佢話肥先可愛,因此佢對於尖嘴嘅貓無咩好感。如果各位想養貓,不妨搵隻「肥頭耷耳」的貓。

上面呢兩隻貓就OK喇

呢隻貓就叫尖嘴喇,所以就我阿媽標準而言係唔靚嘅

標準二:一定要養短毛貓。阿媽認為養長毛貓的話,如果貓仔甩毛會好麻煩,貓毛長亦難於打理,除了會飛到周圍都係貓毛之外,如果家中有人有呼吸系統敏感的話會好容易受影響,貓仔本身亦可能因為貓毛長而生跳蚤。因此養短毛貓的話可以盡量避免問題(短毛貓唔代表唔會甩毛,只係將影響減到最少)。綜合阿媽《相貓經》呢兩大基本原則,如果要養貓的話,就要揀一隻個頭又圓又大的短毛貓,美國短毛貓係一個唔錯的選擇。

係咪好得意呢?記住喇,一定頭大、圓的短毛貓呀emotion


[1]

咁貓BB,細細隻嗰時,個個都瘦BB,點睇呀...


[引用] | 作者 讀姐 | 23rd May 2011 03:53 | [舉報垃圾留言]