香港新浪網 MySinaBlog
« 上一篇 | 下一篇 »
太政高僧 | 22nd Apr 2009, 15:41 | 雜談 | (37 Reads)
我本來是愛狗之人,但我阿媽就愛貓,因為係咁,所以我地兩樣動物都無養。但唔知點解,我依家開始俾阿媽影響,開始慢慢愛上貓,特別上YouTube睇完呢兩段片......

睇完之後,我先突然發現原來貓比狗仔可愛得多,依家我同阿媽終於有共同的語言,就係:「D貓仔好得意呀!」,仲計劃緊買隻貓仔返黎養呢。特別係有時睇NGC關於野生動物(當然係睇大貓喇)的紀錄片,真係好有衝動馬上買隻貓返黎。

講開貓,仲要講一個「自來貓窮」的故事。話說我阿公鄉下有間屋,都OK大,留返俾仔女返鄉下時住,有次阿媽返鄉下拜山,我都跟住返,但我舅父有事成家無返。當晚我地發現有隻貓走入我舅父間房(隻貓好靚),趕都唔走。如是者幾晚,隻貓晚晚都黎,我地於是Call舅父問佢點,佢就叫我地爆門,入去房捉貓,捉到之後諗住拎得遠遠地放左佢,點知遇到個街坊話食得唔好浪費,於是佢自己煮左黎食。

之後我就聽阿媽話,原來「自來貓窮」,話對舅父可能唔多吉利。過左一排,真係出事,話我舅父驗到有cancer,仲擴散得好快,半年唔夠已經往生。世事就係有咁巧合,話唔信咩?事實擺在眼前;話信咩,理據又唔係咁足,唯有講句生死有命。

雖然係咁,但我依家仍然咁愛貓,因為真係可愛,養貓都無問題,不過唔好係「自來貓」就OK了。


[1]

嘩!我地間屋後園對後園,日日隔鄰左右,前街後街啲貓左穿右走,咁咪窮足成個sub?or even the whole country? 堅定流㗎「自來貓窮」?要養翻隻 doggy 𡀔


[引用] | 作者 讀姐 | 23rd May 2011 03:59 | [舉報垃圾留言]